ТанилцуулгаНар Урт ХХКНар Урт ХХК

“Нар-Урт” ХХК нь анх 2005 онд үүсгэн байгуулагдан “Аж ахуйн үйл ажиллагааны тусгай зөвшөөрлийн тухай” хуулийн дагуу Барилга угсралт 2.1.4, 2.2.1, 2.2.2, Барилгын зураг төсөл 1.2.2, 1.2.3 чиглэлээр, 2008 оноос Б.А-3.1; 6.1; 6.2; 6.3; 6.4 заалтын дагуу үйл ажиллагаа явуулж буй үндэсний бүтээн байгуулагч компани юм.

“Нар-Урт” ХХК нь чадварлаг инженер техникийн ажилтнуудаар удирдуулсан мужаан, засал чимэглэл, цахилгаан, холбоо дохиолол, сантехникийн багаас бүрдсэн 50 гаруй үндсэн ажилтантай. Бид 20 гаруй туслан гүйцэтгэгч компанитай хамтран ажиллаж, тэдний 100 гаруй ажилтныг ажлын байраар хангаж байна.

Үйл ажиллагаандаа чанарыг эрхэмлэн, барилгын салбарын аливаа дүрэм, журам, стандарт, хөдөлмөрийн аюулгүй байдал эрүүл ахуйн  шаардлагуудыг чанд мөрдөж  ажилладаг.

Манай компани байгуулагдсан цагаасаа одоог хүртэл тасралтгүй, тогтвортой үйл ажиллагаа явуулж, ажилтнуудаа жилийн дөрвөн улиралд байнгын ажлын байраар хангадаг нь тэдний амьдралын баталгааны нэгээхэн хэсэг болдог юм.

Бид Сүхбаатар дүүргийн I хороонд 13863,4м2 талбай бүхий оффис, үйлчилгээний цогцолборын барилгын төслийг хэрэгжүүлж байна. Энэхүү төсөл нь дараах барилгуудаас бүтэх юм.

1. 10 давхар оффис, орон сууцны барилга /2012 онд ашиглалтад орсон/
2. 16 давхар “МПМ” оффисын барилга /2016 онд ашиглалтад орсон/
3. 5 давхар “Formosa” худалдаа үйлчилгээний төвийн барилга /2017 онд ашиглалтанд орсон /
4. 6 давхар авто зогсоол бүхий 14 давхар орон сууцны барилга /Барилга угсралтын ажил явагдаж байна/

Уг цогцолбор нь Улаанбаатар хотын А зэрэглэлийн бүсэд байрлаж буй хамгийн том автомашины дулаан зогсоол /6 давхар/, хамгийн том машины гадна зогсоол /100 автомашин/, цэцэрлэгт хүрээлэн, гадна тохижилт бүхий иж бүрэн цогцолбор хотхон байх юм.